اسمك محفور جوه صخور الوادي
::::::::::::::::::::::::::::
إسمِك محفور جوّه صخور الوادى
:بلادى
يابلادى يا فجر الليل الجى بيضحك
يبعت نوره يصحّى سنابل قمح بتّدن فوق المادنه تنادى
والنيل السّارِح جُوّه قلوبنا يغنّى
والغنوه تاخدنا فى ليلة فَرح مع العُشّاق
محروم فى الغربة أحن لمين
وحروف الكلمه بترسم طوق
والشوق سهران ينادينا ونركب قطر صباحِك يجرى ويجرى
ما يلحق غير القَعده ف نور القمره الدايبه حكاوى
بتوصِف قصة فَتح الكسرَه ف وقت الحسره
والاقى البسمه بتفتح بينى وبين الحرف الساكن جوّه جناين عمرى سكوت
واموت لو دمعه تفوت على خد ك
تسحب خيل الروح
مجروح ودوايا احساسى بقربك ليا
والقرب وجود
موعود انا وانتى بليل البُعد
وعلينا الدور
إسمِك محفور
:::::::::::::::::::::::::::::::::::::::::::::::::::::::::::::::::::::::::::::::::::
الشاعر : محمد علي
ليست هناك تعليقات:
إرسال تعليق