عايش فى دُنيا غريبه عجيبه
ساند فيها على عُكازى
إوْ بالع مُر الصبر فـ حلجى
وحايش همى جُوات جلبى
وحاطط حلمى تحت مداسى
عايش فيها غريب عن دارى
ولا يوم فيها فارجت مدارى
إمْدوب فيها حبال افكارى
وهدنى حيل الفجر الآسى
إمْصوبلى سهامه فـ صدرى
ومحملنى فوج عن طاجتى
ومخلينى ياما أ آسى
عايش فى دُنيا غريبه عجيبه
تايه فيها عن اجرب ناسى
دايما ابان فى الصوره عجوز
وسنانى بتكون مكسوره
والضحكه جُواتى مجهوره
والفرجه ليا مابتجوز
مع إنى لسانى صغير
والعمر بيجرى وجصير
حالى ثابت مابيتغير
وشفاهى دايما مجفوله
عايش فى دُنيا غريبه عجيبه
ساند فيها على عكازى
تايه فيها عن اجرب ناسى
إوْ بالع مُر الصبر فــ حلجى
وحايش همى جُوات جلبى
وحاطط حلمى تحت مداسى
مــن همســاتــى / مــــى شحاتــه
ليست هناك تعليقات:
إرسال تعليق