الشاعر عمران
وزع حبك
وزع حبك ع الدنيا بحالها
وعيش الدنيا عصفور ترحال
واتكلم واحكى بكل جمالها
وخلى الحب لك عنوان
وزع واعرف مهما توزع
ان فى حبك عاش انسان
تارك الدنيا بكل جمالها
وعايش بس لك سجان
شايلك عنده جوة بقلبو
كل حياتة يلقى أمان
شوف بتحب الدنيا بحالها
وسايب قلب بك فرحان
طيب اسمع منى أقولها
مهما توزع أو تتهرب
اعرف ان القلب لك عنوان
وانى زرعتك أنا بقلبى
أجمل زرع بالبستان
وان حياتى بقربك أنت
أعيش متهنى و أكون فرحان
بقلم : محمد صبحى عمران
ليست هناك تعليقات:
إرسال تعليق