الأربعاء، 23 أكتوبر 2013

بعد الوداع بقلم سميره الاسريجى












بعد الوداع
الجسم ضاع مع المكتوب
والاسم باقى فى القلوب
والذكرى عايشه تضمنا
والكلمه باقيه فى زهننا
والصوره مرسومه
على غلاف الديوان
ورغم البعد والاحزان
كان لينا اب لكنه كان
وبردوا عمره مايبقى كان
موجود على سطور الورق
مع انه شق طريق البعد
وفى القلوب البعد شق
بيبقى بردوا الاب باقى
لانه بالوفاء احق
وف الحياه مكتوب صديق
ورفيق طريق
وبكلمته علمنا شىء
من الف شىء
علمنا حاجه محدده
ان ابن ادم مهما عاش
فى لحظه بيروح مننا
مهما ننادى او نقول
عمره مابيرد الندا
ويسيب لنا كل الحاجات
ويقول لنا
الموت حقيقه مؤكده
لكنه ساب فى المكتبه
كلمه فى ديوان
والكلمه جوه قلبنا طول الزمان
الكلمه اسمه
والحروف اسم الديوان
ومهما مر علينا عمر وفات زمان
الاسم باقى فى زهننا
والجسم فان
---------------------------
سميره الاسريجى
ماما نونه

ليست هناك تعليقات:

إرسال تعليق

أقسام المدونة