أنا عاشق حروف إسمك بقلم أ: اشرف الفضالي
أنا عاشق حروف إسمك
بقلم أ: اشرف الفضالي
أنا عاشق حروف إسمك
لإنك سوسنة روحى
براح عمرى
ووشوشة الندى فى الصبح
للعصافير
كسوف الضى فى جبينى
وهمس الفل للنرجس
شذا الياسمين
بَحِبك فى الحياه عصفور....
يرفرف فوق مشاعر
حبنا الصافية
هعيش سواح
ف بحر مشاعرك الدافية
بَحِبك ......
اسكنينى براح
جواز سفرك فى شريانى
لآخر العمر
بَحِبك نبض فى وريدى
متحرمنيش بريق النبض
بَحِبك موت
وأول مرة فى حياتى
بحب الموت
وكاره بكره بِسكونه
لأول مرة اكون درويش
واحب السٌكْربجنونه
فكونى حنينى وجنونى
قصايد الشعر
أجمل معنى للكلمات
وكونى كل إدراكى ف آيات النور
صفا الملكوت
بَحِبك موت
ياقبلة كل دعواتى ف صلاة العشق
بحبك فجرفى خيوطه
اللى هربانة
فى روح روحى
وبارفض فيكى سجن الحزن
والتوهه فى ليل نوحى
شعور مبهم
مابين الحلم وعيونك
وإنتى السجن والسجان
بحبك شمس بتضفر
شعورها حروف
وتطرحهم بحور سكر
شجر صفصاف
حنين أخضر
جواب الأسئلة المٌسْكِر
واحبك عٌمر
بعد العمرياعمرى
بِعٌمرى لوتقوليها
وانا
أكتر .....
ليست هناك تعليقات:
إرسال تعليق