تصريحات تصريحات تصريحات بقلم سيد صادق

تصريحات تصريحات تصريحات

بقلم سيد صادق

تصريحات تصريحات تصريحات
شغل سيما تلات ورقات
اللي بيصدع دماغنا
بدم الشهيد...
وحق اللي مات
واللي ليل ونهار بيشتم
لا ويلعن في اللي فات
واللي بيدبر مجازر
ويبان ضعيف وهو قادر
واللي ف وسط العتمه شايف
ان مصر هتبقي جنه
واللي مش خايف وخايف
يجي مرة ويعيش ما بنا
وترتيبات ومؤتمرات
واللي مفكرها بليله
وناقصها حبة شربات
واللي واخدها بدراعو
ومفكر الشعب بتاعو
اللي بيموت شباب
باشاره واحده من صباعو
ومجلس الشعب الموقر
اللي اتعشمنا فيه
تورتايه لكن ناقصه سكر
شخشيخه للعيل يا بيه
كله ماشي بتربيطات
تصريحات تصريحات

ميهمناش التوافق او الاختلاف
المهم ف عز البرد يبقي
كل واحد يلقي اللحاف
وان القي معامله حلوه
مش تبقي كل شويه غنوه
( المتهم اجبروه ع الاعتراف )
لو عايزين تعدلوها
وتبقي مصر ف السليم
سيبكوا من نغمه فلولي
وان ده نظام قديم
بصوا شوفوا بقينا ايه
بقينا مضحكه الامم
والسبب ايوه الفساد
السبب خراب الذمم
يا شعب من طيابتو قالو عليه
الشعب كلو لابس عمم
هاتوا اللي هاتجيبوه
ومنجهوه وظبطوه
ان شالله لو بعد مبارك
هاتجيبولنا ف يوم اخوه
بس يعدل في الحساب
قدامنا يحلف ع الكتاب
انه هيعدل ما بنا
وانه يلغي باومرو
اي شكل من العذاب
وان لما ولايته تخلص
يمشي يبعد من سكات
وان وقت الجد جي
وان وقت الهلس فات
وانه من ساعته وتاريخه
مش هايقول تصريحات
تصريحات تصريحات تصريحات

سيد صادق

بواسطة: Sayed Sadek