حاولت
يقلم شريف شفيق عبدالباقي
حاولت
حاولت اكون ذي الناس .........مقدرتش
حاولت كتير اتغير ..................معرفتش
حاولت اعمل ذيهم
واشرب الغدر منهم
والخيانه عايشه في دمهم
لقيت جوايا حنين وشوق ليهم
اني مش هقدر اعمل ذيهم
لان اخلاصي دايما سابقني
حنين وشوق بيغلبني
علي قسوتي ليهم
انا كل لما احس لعبهم بيا
وكام مره كنت ضحيه
تبكي دموعي حزنا عليا
اخاف تتكرر المسرحيه
احاول اتكلم واقول
يخوني لساني ع طول
وحنيني يصرخ يقول
لا...خليك انسان
ان كانت العيون حوليك
غداره وبتلعب بيك
افتكر العهد اللي بيناديك
والامل اللي شفته فيك
ومهما الغدر طال حوليك
مضيعش رسالتك من اديك
الاقي نفسي انسان بشر
من كتر شيل الحمل
ظهري انفطر
احاول اصبر للنهايه
واذيد الامل جوايا
الحزن يتحول لانسان
يقولي مضيعش العنوان
وخلي حلمك بقلبك
ذي الزهره في البستان
اصبر اصبر يابن العم
مهما كان الجرح مايتلم
لازم صبرك عليه يطويه
لازم صبرك عليه يطويه
شريف شفيق عبدالباقي
ليست هناك تعليقات:
إرسال تعليق