ملفات من الهاتف المحمول بقلم ‏مشاعر شاعرة‏

ملفات من الهاتف المحمول

 بقلم ‏مشاعر شاعرة‏

وبيقولي....
.........
وبيقولي يا ساحراني

وسارقة مني وجداني

بنام وأصحي علي همسك

مفيش في القلب غير سيرتك

ولو فكرت ثانية..أنسي

كل جوارحي....تعصاني

وبيقولي يابنت اﻷيه

خطفتي القلب من جوه

وخطفاني

ورجعتي حاجات حلوه

كنت حاسسها ناقصاني

وحبيت الحياة بيكي

لما بشوفها في عنيكي

وبستطعمها من تاني

وبيقولي...وحشتيني

ياساكنة روحي وسنيني

وفي بعادك

براح الكون بيخنقني

وموج الشوق يغرقني

وألقاني...

بقول بيني وبين قلبي

ياريت تحس يوم حبي

والقاها بتهواني

وأه منك...

اه منك يا ساحراني

.
.
مشاعر شاعرة

بواسطة: مشاعر شاعرة