قصيدة عامية ( فين المرجلة ؟ )
-------------------------------
اياك تخبي
جوا حزنك مقصلة
تقطع حبال المصطبة
لساك هتقعد عندها
ترضع دموعي المهملة
اصل الحكايا معضلة
قام وزوعنا اتربة
يمكن تهون المسأله
لما السواقي تشتهي
دم الغلابة او انا
اصلي بكيت
من كام سنة
علي شعب عايش ع النوي
وبلاد بتاكل بعضها
مش قسمونا وانتهي
بغداد بتحلم بالهوا
سوريا وليبيا مهزلة
والقدس تاهت مننا
يا اخونا فين المرجله
علي مبروك
ليست هناك تعليقات:
إرسال تعليق